Чуерташлык

Вак чуерташ, ком, кайвакыт балчыксыл материал катнашмасыннан торучы тау токымнарының шомарган кисәкләре тупланмасы.

Эре (50-100 мм), уртача (25-50 мм) һәм вак чуерташлыкка (10-25 мм) бүленә.

Татарстан территориясендә Идел, Кама, Агыйдел елгалары һәм аларның кушылдыклары үзәннәренең дүртенчел чор утырмаларында таралган, биредә утраулар, комборын, сайлык, террасалар төзелешендә катнаша һәм ком-вак чуерташ чыганаклары барлыкка китерә.

Фаразланган 2 млрд м³ чамасы ресурслар белән 700 тирәсе чыганак ачыклана. 20 гә якын чыганак эшкәртелә.

Кама елгасы үзәнендә таралган чыганаклар һәм ятмалар аеруча

Елына 9,6 млн м³ дан артыграк чыгарыла.

Юл төзелешендә һәм бетонга салу өчен кулланыла.