- РУС
- ТАТ
Татарстанның Баулы районындагы авыл. Баулы шәһәреннән 10 км көньяктарак, Томбарлы елгасы буенда урнашкан
Авылга XVIII йөздә нигез салына. Революциягә кадәрге чыганакларда Миңлегол, Узлы исемнәре белән билгеле.
XVIII – XIX йөзләрдә халкы асаба башкортлар һәм типтәрләр катлавына керә. Бу чорда халкының төп шөгыле – игенчелек, терлекчелек, он тарту, шәхси олаучылык. Авыл аша почта юлы уза.
XX йөз башында 2 мәчет (1860 еллар һәм 1915 ел), земство станциясе, 3 су тегермәне була.
Авыл җәмәгатенең имана җире 3050 дисәтинә тәшкил итә.
1920 елга кадәр Самара губернасының Бөгелмә өязе Баулы волостена керә. 1920 елдан ТАССРның Бөгелмә кантонында.
1930 елның 10 августыннан – Баулы, 1963 елның 1 февраленнән – Бөгелмә, 1965 елның 12 гыйнварыннан Баулы районында.
Хәзер Томбарлы авыл җирлеге үзәге.
1930 елда авылда “Карамалы” һәм “Игенче” колхозлары оештырыла, 1931 елда “Берлек” колхозына берләштерелә. 1991 елдан “Баулы” нефть-газ чыгару идарәсе ярдәмче хуҗалыгы, 1996 елдан “Берлек” җаваплылыгы чикләнгән җәмгыять.
Халкы күбесенчә “Берлек” җаваплылыгы чикләнгән җәмгыятьтә, крәстиян фермер хуҗалыгында эшли, кырчылык, ит-сөт терлекчелеге белән шөгыльләнә.
1928 елда авылда башлангыч мәктәп, 1937 елда җидееллык (1969 елда яңа бина төзелә), 1984 елда – урта, 2017 елда – тулы булмаган мәктәп итеп үзгәртелә.
Авылда мәдәният йорты, китапханә, “Миләүшә” балалар бакчасы (1996 елдан), тегермән, фельдшер-акушерлык пункты, “Галия” мәчете бар (1995 елдан).
Ел саен авылда Әбиләр сабантуе үткәрелә.
Мәдәният йорты каршында “Асылъяр” бию коллективы (2010 елдан, оештыручысы – Р.А.Миңнуллина), “Тамчы” һәм “Сылу” балалар бию коллективы (2010 елдан һәм 2012 елдан, оештыручысы – Л.И.Шәрифуллина), ”Хатирә” фольклор ансамбле коллективы эшли (2013 елдан оештыручысы – Л.И.Шәрифуллина).
1816 елда – 146,
1859 елда – 541,
1889 елда – 805,
1897 елда – 1061,
1910 елда – 1729,
1926 елда – 1361,
1938 елда – 912,
1949 елда – 769,
1958 елда – 842,
1970 елда – 781,
1979 елда – 648,
1989 елда – 495,
2002 елда – 662,
2010 елда – 672,
2015 елда – 707 кеше (татарлар).
Вы используете устаревшую версию браузера.
Для корректного отображения сайта обновите браузер.