Ташлы

Авылга XVIII йөзнең икенче яртысында нигез салына.

1860 елларга кадәр халкы асаба башкортлар, типтәрләр һәм дәүләт крәстияннәре катлавына керә. Бу чорда халкының төп шөгыле – игенчелек һәм терлекчелек.

XX йөз башында авылда мәчет, су тегермәне эшли.

Авыл җәмәгатенең имана җире 2600 дисәтинә тәшкил итә.

1920 елга кадәр Самара губернасының Бөгелмә өязе Александровка волостена керә. 1920 елдан ТАССРның Бөгелмә кантонында.

1930 елның 10 августыннан – Баулы, 1935 елның 10 февраленнән – Ютазы, 1963 елның 1 февраленнән – Бөгелмә, 1965 елның 12 гыйнварыннан Баулы районында.

Хәзер Александровка авыл җирлеге составына керә.

1931 елда авылда “Новая деревня” колхозы оештырыла, 1935 елда “Александровка” совхозы (Александровка авылы) составында, 1946 – 1951 елларда авыл “Берлек” колхозында була, 1952 – 1957 елларда – “Кызыл Байрак” колхозы, 1957 елдан – Жданов совхозы.

1993 елдан “Александровка” совхозы, 1994 елдан “Александровка” җаваплылыгы чикләнгән ширкәт, 1999 елдан “Александровка” авыл хуҗалыгы җитештерү кооперативы.

Халкы күбесенчә крәстиян фермер хуҗалыгында эшли, кырчылык, ит-сөт терлекчелеге белән шөгыльләнә.

Авылда китапханә, клуб, фельдшер-акушерлык пункты бар (1972 елдан).

1816 елда – 352 ир заты;
1859 елда – 572,
1889 елда – 572,
1897 елда – 723,
1910 елда – 955,
1920 елда – 1017,
1926 елда – 771,
1938 елда – 542,
1949 елда – 416,
1958 елда – 379,
1970 елда – 396,
1979 елда – 315,
1989 елда – 182,
2002 елда – 151,
2010 елда – 115,
2015 елда – 155 кеше (татарлар),