- РУС
- ТАТ
Татарстанның Актаныш районындагы авыл. Актаныш авылыннан 12 км көнбатыштарак, Шәбез елгасы буенда урнашкан
Авыл 1738 елдан мәгълүм.
1860 елларда халкы асаба башкортлар һәм типтәрләр катлауларына керә. Бу чорда халкының төп шөгыле – игенчелек, терлекчелек, умартачылык.
1773 – 1775 еллардагы Крәстияннәр кузгалышында халкы Е.И.Пугачёв ягында сугыша.
1870 елларда ир балалар өчен мәктәп эшли (1912 – 1913 елларда анда 98 шәкерт укый). XX йөз башында авылда мәчет (1806 елдан билгеле), мәктәп була.
Авыл җәмәгатенең имана җире 987 дисәтинә тәшкил итә.
1920 елга кадәр авыл Уфа губернасының Минзәлә өязе Шәрип волостена керә. 1920 елдан ТАССРның Минзәлә кантонында.
1930 елның 10 августыннан – Актаныш, 1963 елның 1 февраленнән – Минзәлә, 1965 елның 12 гыйнварыннан Актаныш районында.
Хәзер Уразай авыл җирлеге составына керә.
1929 елда авылда “Берек” колхозы оештырыла (беренче рәисе – С.Газизов). 1958 елда “Таулар” колхозы составында (Куян авылы).
Халкы “Нур” җаваплылыгы чикләнгән җәмгыятьтә эшли, кырчылык, ит-сөт терлекчелеге белән шөгыльләнә.
1924 – 1994, 2005 – 2011 елларда авылда башлангыч мәктәп була (бина 2005 елда төзелә).
Авылда клуб, фельдшер-акушерлык пункты бар.
Ә.З.Моталлапов (1934 елда туган) – журналист, язучы, ТРның атказанган мәдәният хезмәткәре.
1816 елда – 144 ир заты;
1859 елда – 318,
1870 елда – 321,
1884 елда – 402,
1897 елда – 527,
1906 елда – 520,
1913 елда – 508,
1920 елда – 411,
1926 елда – 429,
1938 елда – 435,
1949 елда – 321,
1958 елда – 262,
1970 елда – 226,
1979 елда – 199,
1989 елда – 138,
2002 елда – 90,
2010 елда – 71,
2015 елда – 62 кеше (татарлар).
Вы используете устаревшую версию браузера.
Для корректного отображения сайта обновите браузер.