Ямкино

Авылга 1710 елларда Базяково авылыннан күчеп килүчеләр нигез сала.

1861 елгы реформага кадәр халкы алпавыт крәстияннәре катлавына керә (XIX йөздә алпавытлары – Желтухиннар, Ф.С.Грубер, Ф.А.Каховский) Бу чорда халкы игенчелек һәм терлекчелек, балта эше белән шөгыльләнә.

1886 елда крәстиян И.Балакирев йортында укырга-язарга өйрәтү мәктәбе ачыла. 1894 елда земство мәктәбе итеп үзгәртелә, соңрак үз бинасы төзелә, 1903 елда 27 ир бала һәм 7 кыз бала укый.

ХХ йөз башында авылда 4 җил тегермәне, тимерчелек, тукыма ману остаханәсе, 4 вак-төякләр кибете эшли.

Бу чорда авыл җәмәгатенең имана җире 1303,6 дисәтинә тәшкил итә.

1920 елга кадәр авыл Казан губернасының Спас өязе Левашёво волостена керә. 1920 елдан ТАССРның Спас кантонында.

1930 елның 10 августыннан – Алексеевск, 1963 елның 1 февраленнән – Чистай, 1964 елның 4 мартыннан Алексеевск районнарында.

Хәзер Войкино авыл җирлегенә керә.

1930 елларда авыл «Красный луч» колхозына керә, 1981 елдан «Войкино» совхозы составында (1996 – 2002 елларда «Войкино» күмәк предприятиесе).

Халкы күбесенчә «Красный Восток Агро» ачык акционерлык җәмгыяте бүлекчәләрендә эшли (кырчылык, ит-сөт терлекчелеге).

Авыл янында Имәнкискә культурасы һәм Идел буе Болгар дәүләте чорына караган 4 археология объекты табыла.

1859елда – 664,
1897 елда – 967,
1908 елда – 1175,
1920 елда – 1018,
1926 елда – 694,
1938 елда – 447,
1949 елда – 263,
1958 елда – 273,
1970 елда – 174,
1979 елда – 144,
1989 елда – 65,
2002 елда – 33,
2010 елда – 12,
2015 елда – 17 кеше (руслар).