Тыңламас

Авыл 1772 елдан мәгълүм. Революциягә кадәрле чыганакларда Талнамаз исеме белән билгеле.

XVIII – XIX йөзләрдә халкы асаба башкортлар һәм типтәрләр катлауларына керә. Бу чорда халкының төп шөгыле – игенчелек һәм терлекчелек.

1773 – 1775 еллардагы Крәстияннәр кузгалышында халкы Е.И.Пугачёв ягында сугыша.

XX йөз башында авылда мәчет, икмәк саклау-сату, бакалея кибетләре була.

Авыл җәмәгатенең имана җире 1236 дисәтинә тәшкил итә.

1920 елга кадәр Уфа губернасының Минзәлә өязе Актаныш волостена керә. 1920 елдан ТАССРның Минзәлә кантонында.

1930 елның 10 августыннан – Актаныш, 1963 елның 1 февраленнән – Минзәлә, 1965 елның 12 гыйнварыннан Актаныш районында.

Хәзер Кәзкәй авыл җирлеге составына керә.

1958 елда авыл “Изил” колхозы составында була (Кәзкәй авылы). 1966 – 2002 елларда Ленин исемендәге колхоз. 2003 – 2005 елларда Ленин исемендәге авыл хуҗалыгы җитештерү кооперативы.

Халкы күбесенчә “Агрофирма “Актаныш” җаваплылыгы чикләнгән җәмгыятьтә эшли, кырчылык, сөт терлекчелеге белән шөгыльләнә.

Авылда башлангыч мәктәп, мәдәният йорты, балалар бакчасы, фельдшер-акушерлык пункты (Иҗтимагый үзәк бинасы, 2012 елда төзелә), мәчет бар (2015 елдан).

А.М.Зәйнашева (1942 – 1992) – техник фәннәр докторы;

Т.Н.Нәүретдинов (1948 елда туган) – РФнең элемтә мастеры, ТРның атказанган элемтәчесе.

1795 елда – 243,
1884 елда – 466,
1897 елда – 788,
1906 елда – 808,
1913 елда – 812,
1920 елда – 604,
1926 елда – 559,
1938 елда – 560,
1949 елда – 513,
1958 елда – 490,
1970 елда – 571,
1979 елда – 467,
1989 елда – 339,
2002 елда – 302,
2010 елда – 290,
2015 елда – 289 кеше (татарлар).