Чәчер

Авылга XVII йөздә нигез салына. Революциягә кадәрге чыганакларда Шайгурино исеме белән билгеле.

XVIII – XIX йөзләрдә халкы типтәрләр катлавына керә. Бу чорда халкының төп шөгыле – игенчелек, терлекчелек.

1773 – 1775 еллардагы Крәстияннәр кузгалышында халкы Е.И.Пугачёв ягында сугыша.

XX йөз башында авылда мәчет һәм мәктәп була.

Авыл җәмәгатенең имана җире 946,2 дисәтинә тәшкил итә.

1920 елга кадәр Уфа губернасының Минзәлә өязе Пучы волостена керә. 1920 елдан ТАССРның Минзәлә кантонында.

1930 елның 10 августыннан – Минзәлә, 1935 елның 10 февраленнән – Калинин, 1959 елның 12 октябреннән – Актаныш, 1963 елның 1 февраленнән – Минзәлә, 1965 елның 12 гыйнварыннан Актаныш районында.

Хәзер Түке авыл җирлеге составына керә.

Күмәкләштерү елларында авылда “Удар” колхозы оештырыла. 1959 елда “Татарстан” колхозы составында (Зөбәер авылы). 1994 – 2004 елларда “Татарстан” авыл хуҗалыгы җиештерү кооперативы.

Халкы күбесенчә “Чәчер” ябык акционерлык җәмгыятьтә эшли, ит-сөт терлекчелеге белән шөгыльләнә.

2006 елга кадәр авылда башлангыч мәктәп эшли(бина 2002 елда төзелә), клуб бар (мәктәп бинасында).

2002 елда мәктәптә музей ачыла (оештыручысы – Г.К.Муллагалиева, 300 саклау берәмлеге, 2014 елдан клуб бинасына урнаша), экспозиция төбәк тарихына багышлана.

А.Җ.Салихов (1892 – 1972) – ТАССРның атказанган укытучысы, Ленин ордены кавалеры;

В.Х.Һадиев (1929 – 1996) – ТАССРның атказанган укытучысы, РФнең халык мәгарифе отличнигы.

1795 елда – 107,
1816 елда – 246,
1858 елда – 360,
1870 елда – 425,
1884 елда – 479,
1897 елда – 550,
1906 елда – 641,
1913 елда – 639,
1920 елда – 698,
1926 елда – 621,
1938 елда – 649,
1949 елда – 588,
1958 елда – 501,
1970 елда – 455,
1979 елда – 247,
1989 елда – 140,
2002 елда – 92,
2010 елда – 109,
2015 елда – 87 кеше (татарлар).