Шомыртлы

Авылга XVIII йөз уртасында нигез салына.

1860 елларга кадәр халкы дәүләт крәстияннәре катлавына керә. Халкының бу чорда төп шөгыле – игенчелек һәм терлекчелек.

XX йөз башында авылда җил тегермәне эшли.

Бу чорда авыл җәмәгатенең имана җире 960 дисәтинә тәшкил итә (Емелькино авылы белән бергә).

1920 елга кадәр авыл Казан губернасының Чистай өязе Яңа Әдәм волостена керә. 1920 елдан ТАССРның Чистай кантоны составында. 1930 елның 10 августыннан – Биләр, 1963 елның 1 февраленнән – Чистай, 1964 елның 4 мартыннан – Алексеев, 1977 елның 29 августыннан Аксубай районында.

Хәзер Емелькино авыл җирлеге составына керә.

1939 елда авыл “Восток-3” колхозына (Емелькино авылы) керә, 1995−2004 елларда “Восток-3” күмәк предприятиесе.

Халкы кырчылык, ит-сөт терлекчелеге белән шөгыльләнә.

Авылда клуб, төзекләндерелгән чишмә бар.

Авыл янында гомуми Болгар һәм монголларга кадәрге чор Идел буе Болгар дәүләте истәлекләре (2 авыллык); шулай ук Буралы курган культурасы истәлеге курганлы төркем табыла.

Н.Н.Мокина (тәхәллүсе Артемьева) (1947 елда туган) – журналист, шагыйрә, РФ Язучылар берлеге әгъзасы.

1859 елда – 150,
1908 елда – 354,
1920 елда – 311,
1926 елда – 274,
1938 елда – 283,
1949 елда – 228,
1958 елда – 305,
1970 елда – 370,
1979 елда – 320,
1989 елда – 212,
2002 елда – 166,
2010 елда – 135,
2015 елда – 140 кеше.