Урта күл

Идел елгасының югары террасасында, Лаеш районы Комлы Кавал авылыннан төньяк-көнчыгыштарак урнашкан.

Кавал күлләре системасына керә, ермак белән Зимница һәм Кавал күле белән тоташа.

Су өслегенең мәйданы 19,5 га. Су күләме якынча 185 мең м³. Озынлыгы 920 м, уртача киңлеге 220 м, уртача тирәнлеге 1 м тирәсе. Күл төбендә 2,6 һәм 3 м тирәнлектәге 2 чокыр бар.

Күл карст-суффозия процесслары нәтиҗәсендә барлыкка килгән. Формасы озынча, төньякка таба кысыла. Ярлары күтәренке, кайбер урыннары тал куаклары белән капланган. Туенуы, нигездә, явым-төшемнәр исәбенә.

Күл акрынлап ләмләнә бара.

Ял итү максатларында файдаланыла.