Никольский

1920 елда нигез салына.

Оештырылган вакытыннан ТАССРның Зөя кантонында. 1927 елның 14 февраленнән – Зөя, 1931 елның 20 октябреннән – Югары Ослан, 1963 елның 1 февраленнән – Зеленодольск, 1965 елның 12 гыйнварыннан Югары Ослан районында.

Хәзер Яр буе Морквашы авыл җирлеге составына керә.

1931 елда поселокта “Пятилетка” колхозы оештырыла, 1958 елдан – “Путь к коммунизму” (Югары Ослан авылы) колхозы (1970–1997 елларда “Услонский” совхозы), 1982 елдан “Набережный” (Яр буе Морквашы авылы) совхозы составында (1998–2007 елларда “Морквашка” җаваплылыгы чикләнгән җәмгыяте).

Халкы кырчылык, бакчачылык белән шөгыльләнә.

Поселокта фельдшер-акушерлык пункты һәм зиратта Николай Чудотворец кәшәнәсе бар (2014 елдан).

1920 елда – 66,
1926 елда – 92,
1938 елда – 541,
1949 елда – 376,
1958 елда – 200,
1970 елда – 253,
1979 елда – 155,
1989 елда – 103,
2002 елда – 97,
2010 елда – 106,
2017 елда – 96 кеше (татарлар, руслар, чуашлар).