Югары Юшады

1704 елдан мәгълүм.

1861 елгы реформага кадәр халкы дәүләт крәстияннәр катлавына керә. Бу чорда халкының төп шөгыле – игенчелек һәм терлекчелек, шулай ук тегүчелек кәсепчелеге тарала.

Авыл халкы 1773–1775 еллардагы Крәстияннәр сугышында актив катнаша, авыл тирәсендә 300 кешедән торган отряд урнаша.

1917 елга кадәр авыл аша Минзәлә – Бөгелмә тракты уза, земство почта станциясе эшли.

1885 елда Архангель Михаил чиркәве төзелә (1921 елда ябыла), укырга-язарга өйрәтү мәктәбе ачыла, XX йөз башында миссионерлык мәктәбе эшли.

XX йөз башында авыл җәмәгатенең имана җире 1641 дисәтинә тәшкил итә.

1920 елга кадәр Уфа губернасының Минзәлә өязе Минзәлә волостена керә. 1920 елдан ТАССРның Минзәлә кантонында.

1930 елның 10 августыннан – Минзәлә, 1944 елның 19 февраленнән – Матвеевка, 1954 елның 19 ноябреннән Минзәлә районында.

Хәзер Юшады авыл җирлеге үзәге.

1931 елда “9 январь” колхозы оештырыла, 1950 елда “Ударник” колхозы итеп үзгәртелә, 1957 елдан – “Урожайный” совхозы, 1965 елдан “Ямашевский” совхозы составына керә, 1988 елдан “Юшады” совхозы үзәге. 2004 елдан – “Юшады” җаваплылыгы чикләнгән җәмгыяте, 2006 елдан “Минзәлә таңнары” агрофирмасы” җаваплылыгы чикләнгән җәмгыяте составында.

Халкы күбесенчә крәстиян-фермер хуҗалыкларында, “Минзәлә таңнары” агрофирмасы” җаваплылыгы чикләнгән җәмгыятендә эшли, кырчылык, ит-сөт терлекчелеге белән шөгыльләнә.

Совет хакимиятенең беренче елларында авылда башлангыч мәктәп ачыла, 1957 елда – җидееллык, 1961 елда башлангыч мәктәп итеп үзгәртелә (1989 елда яңа бина төзелә); 2013 елда ябыла.

Авылда клуб, китапханә, кәшәнә (2008 елдан) бар.

Г.Ф.Куприянов (1956 елда туган) – Минзәлә районы хакимияте башлыгы (2004–2010 елларда), “Татспиртпром” ачык акционерлык җәмгыяте директоры (2010–2015 елларда);

А.В.Тюрин (1882–1979) – урманчылык белгече, педагог, авыл хуҗалыгы фәннәре докторы, Воронеж урман-техник институты ректоры (1930–1943 елларда), Ленин, Кызыл Йолдыз орденнары кавалеры;

И.В.Тюрин (1892–1962) – туфрак белгече, СССР Фәннәр академиясе академигы, геология-минералогия фәннәре докторы, Ленин, Хезмәт Кызыл Байрагы орденнары кавалеры.

1795 елда – 221,
1859 елда – 373,
1870 елда – 439,
1884 елда – 520,
1897 елда – 657,
1906 елда – 743,
1913 елда – 887,
1920 елда – 800,
1926 елда – 800,
1938 елда – 627,
1949 елда – 383,
1958 елда – 312,
1979 елда – 205,
1989 елда – 151,
2002 елда – 185,
2010 елда – 169,
2017 елда – 132 кеше (татарлар, руслар, чуашлар).