Яңа Такталы

Авылга XVIII йөздә нигез салына.

1860 елларга кадәр халкы дәүләт крәстияннәре катлавына керә (элеккеге ясаклы чукынган чуашлар). Бу чорда халыкның төп шөгыле – игенчелек һәм терлекчелек.

XX йөзнең башында авылда тегермән һәм 2 вак-төяк кибете эшли. Авыл җәмәгатенең имана җире 741,5 дисәтинә тәшкил итә.

Авыл Иске Такталы авылының Казан Богородица чиркәве приходына карый.

1920 елларга кадәр Казан губернасының Спас өязе Гусиха волостена керә. 1920 елдан ТАССРның Спас кантонында.

1930 елның 10 августыннан – Спас, 1935 елның 10 февраленнән – Кузнечиха, 1960 елның 28 октябреннән – Куйбышев, 1965 елның 12 гыйнварыннан Әлки районында.

Хәзер Иске Салман авыл җирлеге составына керә.

1965 елдан “Спутник” совхозы составында, 1985 елда – “Такталы” совхозы була.

1859 елда – 271,
1897 елда – 356,
1908 елда – 411,
1920 елда – 427,
1926 елда – 256,
1938 елда – 205,
1949 елда – 258,
1958 елда – 207,
1970 елда – 229,
1979 елда – 157,
1989 елда – 44,
2002 елда – 10 кеше (чуашлар),
2010 елда даими яшәүчеләре юк.