Садиково

Авылга XVIII йөз уртасына кадәр нигез салына. Революциягә кадәрге чыганакларда Садиловка исеме белән билгеле.

1860 елларга кадәр халкы крепостной крәстияннәр катлавына керә (XVIII йөздә алпавытлар Садиловлар, XVIII – XIX йөзләр ахырында – Аристовлар була). Бу чорда халкының төп шөгыле – игенчелек һәм терлекчелек.

XIX йөз башында Чистайның дворяннар башлыгы П.Н.Аристов тарафыннан су тегермәне, поташ заводы төзелә.

XX йөз башында авылда  су тегермәне, вак-төяк кибете эшли.

Авыл җәмәгатенең имана җире 572 дисәтинә тәшкил итә.

Авыл Рус Суыксуы авылының Успение чиркәве приходына карый.

1920 елга кадәр авыл Казан губернасының Спас өязе Әлки волостена керә. 1920 елдан ТАССРның Спас кантонында.

1930 елның 10 августыннан – Әлки, 1944 елның 19 февраленнән – Юхмачы, 1956 елның 7 декабреннән – Әлки, 1963 елның 1 февраленнән – Куйбышев, 1965 елның 12 гыйнварыннан Әлки районында.

Хәзер Борискино авыл җирлеге составына керә.

1919 елда авылда беренче авыл артеле оештырыла, 1966 елда “Мир” совхозы составында була. 2002 – 2004 елларда “Мир” җитештерү кооперативы.

Халкы күбесенчә “Кызыл Шәрекъ Агро” акционерлык җәмгыятендә эшли, дуңгыз асраучылык белән шөгыльләнә.

Авылда клуб эшли (1985 елдан).

Авыл янында археология истәлекләре: I һәм II Садиково торулыгы урыны (буралы курган культурасы, монголларга кадәрге чор Болгар истәлеге) табыла.

А.В.Лукоянов (1927 – 2003 еллар) – механизатор, Социалистик Хезмәт Герое.

1782 елда – 16 ир заты;
1859 елда – 148,
1897 елда – 187,
1908 елда – 247,
1920 елда – 346,
1926 елда – 292,
1938 елда – 158,
1949 елда – 168,
1958 елда – 142,
1970 елда – 191,
1979 елда – 157,
1989 елда – 106,
2002 елда – 89,
2010 елда – 78,
2015 елда – 79 кеше (руслар).