Тимбай

Авылга 1593–1594 елларда чуаш авылы буларак нигез салына, 1965 елдан рус авылы.

1835 елга кадәр халкы дәүләт (1860 елларга кадәр – удел) крәстияннәре катлавына керә. Бу чорда халкы игенчелек һәм терлекчелек, тегү, тимерчелек, киез итек-киез җитештерү, күн итек тегү, арба ясау, сәүдә белән шөгыльләнә.

ХХ йөз башында авылда волость идарәсе урнаша, кәшәнә, почта бүлекчәсе, һөнәрчелек училищесе, 26 сәүдә-сәнәгать йорты эшли.

Авыл җәмәгатенең имана җире 2086,2 дисәтинә тәшкил итә.

1920 елга кадәр авыл Сембер губернасының Буа өязе Тимбай волостена керә. 1920 елдан ТАССРның Буа кантонында.

1930 елның 10 августыннан – Буа, 1935 елның 10 февраленнән – Будённый, 1957 елның 29 ноябрннән – Чынлы, 1959 елның 12 октябреннән Буа районында.

Хәзер Тимбай авыл җирлегенә керә.

1930 елда авылда «Победа» колхозы оештырыла, 1959 елда – «Мир», 1969 елда – берләштерелгән «Заря», 1982 елда «Мир» колхозы составына керә. 2004 елдан «Агрофирма «Дружба» җаваплылыгы чикләнгән җәмгыять.

Халкы күбесенчә крәстиян-фермер хуҗалыгында эшли.

Авылда фельдшер-акушерлык пункты бар. 1976–2011 елларда – башлангыч мәктәп, 2003 елга кадәр клуб эшли.

В.Н.Аланов (1939–1983) – спортчы-җиңел атлет, СССР спорт остасы.

1859 елда – 928,
1897 елда – 1375,
1913 елда – 1850,
1920 елда – 1647,
1926 елда – 1131,
1938 елда – 1073,
1949 елда – 742,
1958 елда – 597,
1970 елда – 309,
1979 елда – 215,
1989 елда – 121,
2002 елда – 93,
2010 елда – 76,
2015 елда – 75 кеше (руслар).