Бәкер

1919 елда Мортаза авылыннан (хәзер Баулы районында) чыгучылар тарафыннан нигез салына (башка мәгълүматлар буенча – 1921 елда).

1920 елга кадәр Самара губернасының Бөгелмә өязе Александровка волостена керә. 1920 елдан ТАССРның Бөгелмә кантоны составында.

1930 елның 10 августыннан – Баулы, 1935 елның 10 февраленнән Бөгелмә районнарында.

Хәзер Иске Исаково авыл җирлеге составына керә.

1932 елда авылда “Красная звезда” колхозы оештырыла, 1936 елда “Тигез басу” колхозы итеп үзгәртелә, 1951 елда – “Заря” (Иске Исаково авылы), 1960 елда берләштерелгән Калинин исемендәге колхоз (Иске Исаково авылы) составына керә.

Халкы кырчылык һәм сөт терлекчелеге белән шөгыльләнә.

1920 елда – 84,
1926 елда – 143,
1938 елда – 197,
1949 елда – 226,
1958 елда – 173,
1970 елда – 121,
1979 елда – 71,
1989 елда – 42,
2002 елда – 27,
2010 елда – 14,
2015 елда – 15 кеше (татарлар).