Яңа Баулы

Авылга 1920 елларда нигез салына.

Оешкан көненнән ТАССРның Бөгелмә кантоны Баулы волостена керә. 1930 елның 10 августыннан – Баулы, 1963 елның 1 февраленнән – Бөгелмә, 1965 елның 12 гыйнварыннан Баулы районында.

Хәзер Исергәп авыл җирлеге составына керә.

1929 елда авылда “Революция” колхозы оештырыла, 1950 елда “Урал” колхозы составында (Исергәп авылы белән бергә), 1994 елда – “Урал” җаваплылыгы чикләнгән ширкәт. 1999 елда “Урал” авыл хуҗалыгы җитештерү кооперативы.

Халкы күбесенчә кырчылык, ит-сөт терлекчелеге белән шөгыльләнә.

1926 елда – 277,
1938 елда – 223,
1949 елда – 255,
1958 елда – 245,
1970 елда – 162,
1979 елда – 121,
1989 елда – 61,
2002 елда – 66,
2010 елда – 104,
2015 елда – 109 кеше (татарлар).