Заречье

1940 елларда Вахитов исемендәге совхозның икенче бүлекчәсе буларак нигез салына. 1962 елның 28 сентябреннән хәзерге исемен йөртә.

Нигез салынган көннән.– Тымытык, 1958 елның 16 июленнән – Ютазы, 1963 елның 1 февраленнән – Бөгелмә, 1965 елның 12 гыйнварыннан Азнакай районнарында.

Хәзер Вахитов авыл җирлегенә керә.

Оешкан көннән Вахитов исемендәге совхоз составында (Победа поселогы).

Халкы күбесенчә «Победа» җаваплылыгы чикләнгән җәмгыятьтә эшли, кырчылык, ит-сөт терлекчелеге белән шөгыльләнә.

1958 елда – 179,
1970 елда – 178,
1979 елда – 168,
1989 елда – 96,
2002 елда – 78,
2010 елда – 70,
2015 елда – 60 кеше (татарлар – 71%).