Митрофановка

Авылга XIX–ХХ йөзләр чигендә нигез салына. Халкы игенчелек һәм терлекчелек белән шөгыльләнә.

ХХ йөз башында авыл җәмәгатенең имана җире 1005 дисәтинә тәшкил итә.

1920 елга кадәр авыл Уфа губернасының Минзәлә өязе Александр-Карамалы волостена керә. 1920 елдан – ТАССРның Минзәлә, 1922 елдан Чаллы кантонында.

1930 елның 10 августыннан – Сарман, 1935 елның 10 февраленнән – Тымытык, 1958 елның 16 июленнән – Азнакай, 1963 елның 1 февраленнән – Әлмәт, 1965 елның 12 гыйнварыннан Азнакай районнарында.

Хәзер Чубар Абдул авыл җирлегенә керә.

1928 елда авылда «Заветы Ильича» колхозы оештырыла, 1958 елда – «Таң» колхозы (Чубар Абдул авылы) составына, 1963 елда Тукай исемендәге колхоз составына керә. 1998 елдан «Тукай исемендәге» авыл хуҗалыгы продукциясен җитештерү кооперативы.

1913елда – 447,
1920 елда – 439,
1926 елда – 347,
1938 елда – 390,
1949 елда – 250,
1958 елда – 191,
1970 елда – 93,
1979 елда – 49,
1989 елда – 34,
2002 еда – 13,
2010 елда – 4,
2015 елда – 4 кеше (руслар).