Мордва Болагы

Авылга XVIII йөз уртасында нигез салына.

1860 елларга кадәр халкы дәүләт крәстияннәре катлавына керә (элекке ясаклы һәм йомышлы крәстияннәр).

ХХ йөз башында авылда 2 җил тегермәне, ярма яргыч, вак-төякләр кибете эшли.

Бу чорда авыл җәмәгатенең имана җире 472 дисәтинә тәшкил итә.

Авыл Лягушкино (хәзер Родники) авылының Рождество Христово чиркәве приходына карый.

1920 елга кадәр авыл Казан губернасының Спас өязе Полянка волостена керә. 1920 елдан ТАССРның Спас кантонында.

1930 елның 10 августыннан – Биләр, 1963 елның 1 февраленнән – Чистай, 1964 елның 4 мартыннан Алексеевск районнарында.

Хәзер Родники авыл җирлегенә керә.

1930 елларда авылда «Кызыл Дунай» колхозы оештырыла, 1965 елдан – «Разумовский» совхозы, 1983 елдан «Родники» совхозы составында (1996–2002 елларда «Родники» күмәк предприятиесе).

Халкы күбесенчә «Сөт Иле» җаваплылыгы чикләнгән җәмгыятьтә эшли, кырчылык белән шөгыльләнә.

Балалар Родники авылы мәктәбендә укый.

1782 елда – 26 ир заты;
1859 елда – 185,
1897 елда – 379,
1908 елда – 452,
1920 елда – 409,
1926 елда – 333,
1938 елда – 245,
1949 елда – 222,
1958 елда – 180,
1970 елда – 182,
1979 елда – 154,
1989 елда – 146,
2002 елда – 149,
2010 елда – 145,
2015 елда – 133 кеше (мордвалар).