Авылга 1921 елда Баланда авылыннан күчеп килүчеләр нигез сала. Башта Сулбаевка дип атала.

Нигез салынган көннән авыл ТАССРның Чистай өязе Кәкрекүл волостена керә. 1930 елның 10 августыннан – Аксубай, 1935 елның 10 февраленнән – Тельман, 1958 елның 16 июленнән – Аксубай, 1963 елның 1 февраленнән – Октябрь, 1965 елның 12 гыйнварыннан Аксубай районында.

Хәзер Трудолюбово авыл җирлеге составына керә.

1928−1929 елларда “Маяк” колхозы (Октябрь, Культура һәм Өченче Интернациональ исемендәге авыллар) оештырыла. 1930 елларда колхоз таркала, авыл “Чапаев” колхозына керә. 1950 елларда “Октябрь” колхозы (Трудолюбово авылы) составында. 1994−2006 елларда “Октябрь” күмәк предприятиесе.

Халкы кырчылык, сөт терлекчелеге белән шөгыльләнә.

1989 елда Өченче Интернационал исемендәге авыл белән икесе арасында күп функцияле комплекс төзелә, биредә фельдшер-акушерлык пункты, клуб, китапханә урнаша.

1926 елда – 182,
1938 елда – 213,
1949 елда – 189,
1958 елда – 181,
1970 елда – 171,
1979 елда – 109,
1989 елда – 102,
2002 елда – 101,
2010 елда – 81,
2015 елда – 93 кеше (чуашлар).