Шевырева Руфия Мөбарәк кызы

1947 елның 11 августы, Казан — 2002 ел, Рига.

Рига медицина институтын тәмамлаганнан соң (1971), Латвия ССР, Юрмала шәһәренең «Булдури» (1971 елдан), «Яункемери» (1979 елдан) санаторийларында эшли.

1980–1991 елларда Курортология фәнни-тикшерү институтында, 1991 елдан Латвия Республикасы Эчке эшләр министрлыгы поликлиникасында (Рига).

Хезмәтләре курортология, йөрәк ишемиясе белән авыручыларны дәвалаганда эмоциональ-стресс психотерапиясе куллануга карый.

Мәхәллә советы рәисе, мәхәлләнең «Нур» мәгълүмат бюллетене мөхәррире (Рига), Россия мөселманнарының Үзәк диния нәзарәте Президиумы әгъзасы.