Попова Лилия Георгиевна

1928 елның 4 маенда Кырым АССРның Евпатория районы Акмәчет авылында туа.

Харьков медицина институтын тәмамлаганнан соң (1951), шунда ук, хирургия аппаратлары һәм инструментларын эксперименталь сынау буенча фәнни-тикшеренү лабораториясендә эшли.

1953 елдан СССР МФАнең Патологик физиология институтында (Мәскәү). 1956 елдан Львов өлкәсе Стрый шәһәре балалар хастаханәсендә табиб-педиатр.

1960 елдан Мурманск өлкәсенең Кола районы Кица станциясе участок хастаханәсе табиб-терапевты.

1964–1997 елларда Казан медицина институтының үзәк фәнни-тикшеренү лабораториясендә биохимия төркеме мөдире.

Хезмәтләре кан оешуны көйләү мәсьәләләренә карый.

Медальләр белән бүләкләнә.

Специфические и неспецифические методы лечения при экспериментальной терапии туберкулёза // Патофизиология и экспериментальная терапия. 1957. № 2;

Изменение контактной фазы свёртывания крови при перитонитах // Казан. медицина журн. 1973. № 3 (автордаш);

Прямое воздействие ферментов контактной фазы свертывания с иммобилизованным норадреналином // Казан. медицина журн. 1975. № 6.