1911 елның 22 мае, Уфа губернасы, Минзәлә өязе Чаллы авылы, хезер Чаллы шәһәре — 1976 елның 25 сентябре, Мәскәү.

Урал индустрия институтын (1934), В.В.Куйбышев исемендәге Хәрби инженерлар академиясе каршындагы командирлар составы белемен күтәрү курсын тәмамлый (1937, Мәскәү).

Түбән Тагил шәһәрендә металлургия заводында төзүче-инженер булып эшли.

1935 елдан Кызыл Армия сафларында.

Совет гаскәрләренең Көнбатыш Украина походында катнаша (1939).

1941 елның июненнән Бөек Ватан сугышы фронтларында, 2 нче танк армиясендә 11 нче гвардия танк бригадасы командиры. Брянск, Үзәк, 1 нче, 2 нче Украина һәм 1 нче Белоруссия фронтлары гаскәрләре составында Курск сугышында (1943), Чернигов-Припять (1943), Корсунь-Шевченко, Умань-Ботошаны, Люблин-Брест (барысы да — 1944), Варшава-Познань, Көнчыгыш Померания һәм Берлин һөҗүм операцияләрендә (барысы да — 1945) катнаша.

1944 елның март башында Умань шәһәре янында батырлык күрсәтә. Фашистлар тылында 18 танктан торган төркем рейдын җитәкли. Самолётлар урнашкан аэродром, укчы дивизия штабы кулга төшерелә, 124 танк һәм башка техника сафтан чыгарыла. Дошманның элемтә системасы бозыла, дистәләрчә гитлерчы юк ителә. 8 мартта бомба ярчыгы уң кулын терсәгеннән өзә.

Госпитальдән чыкканнан соң, 1944–1962 елларда Мәскәүдә Корыч һәм эретмәләр институтының хәрби кафедрасы башлыгы булып эшли.

1962 елдан отставкада.

Ленин ордены, ике Кызыл Байрак, 1 нче дәрәҗә Ватан сугышы, ике Кызыл Йолдыз орденнары һәм медальләр белән бүләкләнә.

Герой бюсты Чаллы шәһәренең Җиңү паркында урнаштырыла, шунда ук аның исеме белән урам атала.

Ханин Л. Герои Советского Союза – сыны Татарии. Казань, 1963;

Герои-освободители Черкасщины. Днепропетровск, 1980;

Герои Советского Союза: краткий биографический словарь. М., 1987. Т. 1;

Батырлар китабы – Книга Героев. Казань, 2000;

Книга Героев = Батырлар китабы / сост.: М.В.Черепанов, Е.В.Панов. Казань, 2022. С. 83;

Населённые пункты Республики Татарстан: иллюстрированная энциклопедия: в 3 т. Казань, 2023. Т. 3. С. 522.

Авторлар — М.З.Хәбибуллин, Л.М.Айнетдинова, Г.Х.Галимуллина