Спирьков Степан Петрович

1904 елның 27 декабре, Алабуга шәһәре — 1982 елның 2 сентябре, Мәскәү.

Куйбышев Затоны поселогындагы суднолар ремонтлау заводында эшли.

1926–1928 елларда һәм 1931 елдан Кызыл Армия Хәрби пехота училищесен тәмамлый. Совет-фин сугышында катнаша, 330 нчы укчы полкның (7 нче армиясенең 86 нчы укчы дивизиясе) батальон командиры. Төньяк-Көнбатыш фронт гаскәрләре составында Виипури шәһәре (хәзер Ленинград өлкәсенең Выборг шәһәре) янындагы сугышларда батырлык күрсәтә: 1940 елның мартында С.П.Спирьков җитәкчелегендәге батальон, дошманның тере көчләре һәм сугышчан техникасына зур зыян китереп, Скиппари торак пунктының төньяк читен яулап ала. Вилайоки пункты өчен барган бәрелештә С.П.Спирьков авыр яралана, әмма сугыш кырын ташлап китми. Бөек Ватан сугышы елларында Казан, Ульяновск, Загорск шәһәрләрендә хәрби комиссар булып эшли.

1954 елдан отставкада, Мәскәүдә яши.

Ике Ленин ордены, Кызыл Байрак, Кызыл Йолдыз орденнары, медальләр белән бүләкләнә.

Батырлар китабы — Книга Героев. Казань, 2000.

Автор  — М.З.Хәбибуллин