Пантелеев Валерий Николаевич

1950 елның 1 июлендә Азнакай районы Сәпәй авылында туа.

Севастополь югары хәрби диңгез инженерлар училищесен (1972), А.А.Гречко исемендәге Хәрби диңгез академиясен (Ленинград, 1986) тәмамлый.

1972–1999 елларда атом су асты көймәләрендә һәм Төньяк флоты частьларында (командующий урынбасары) хезмәт итә.

Су асты көймәләрендә хезмәт итү чорында 9 тапкыр ерак походларда катнаша.

2000 елдан Росатомның «Радиоактив калдыклар белән эшләүче төньяк федераль предприятие» («СевРАО») Федераль Дәүләт унитар предприятиесе директоры.

Батырлык, 3 нче дәрәҗә «СССР Кораллы Көчләрендә Ватанга хезмәт иткән өчен» орденнары, медальләр белән бүләкләнә.