Искәндәров Марс Җамал улы

1927 елның 27 октябре, Казан – 2003 елның 1 октябре, Санкт-Петербург.

М.В.Фрунзе исемендәге Югары хәрби-диңгез училищесен (1949, Ленинград), Хәрби-диңгез академиясен (1965, Ленинград), СССР Кораллы Көчләре Генераль штабының К.Е.Ворошилов исемендәге Хәрби академиясен (1971, Мәскәү) тәмамлый.

1949–1983 елларда – су асты көймәсе штурманы, командиры, су асты көймәләре берләшмәсе штабы башлыгы, командиры, оператив идарә башлыгы – Төньяк флот штабы башлыгы урынбасары.

1983–1991 елларда СССР Оборона министрлыгының Хәрби диңгез флоты буенча Үзәк фәнни-тикшеренү институты башлыгы.

1992 елдан – Россия Дәүләт атом күзәтчелеге аппаратында. Хәрби диңгез флотын мәгълүматлаштыру, атом-төш һәм радиация куркынычсызлыгы мәсьәләләренә багышланган хезмәтләр авторы.

Хезмәт Кызыл Байрагы, ике Кызыл Йолдыз орденнары, медальләр белән бүләкләнә.

Булатов Н.Х. Йолдызлы йолдызлар. К., 2000.