Исаев Олег Николаевич

1964 елның 14 гыйнвары, Балтач районы Иске Көшкәт авылы – 1996 елның 5 апреле, Воронеж шәһәре.

Арча педагогия училищесен (1983), очучыларның В.И.Чкалов исемендәге Борисоглебск Югары хәрби авиация училищесен (1988) тәмамлый.

1988–1993 елларда Төньяк-Кавказ хәрби округында, шулай ук Әзәрбайҗан, Германия, Таҗикстанда, Ставрополь краенда хезмәт итә.

1993 елдан Будённовск шәһәрендә (Ставрополь крае) хәрби частьтә.

1996 елның 4 гыйнварында, майор Матвиенконың самолёты бәреп төшерелгәч, аны коткару операциясен уңышлы үткәрүне тәэмин итә. 1996 елның 5 апрелендә Чечен Республикасында гаскәр колоннасын саклау бурычын үтәгәндә батырлык күрсәтә: дошманның засадасын табып, сугышка керә һәм һәлак була.

Медальләр белән бүләкләнә.

Автор — М.З.Хәбибуллин