- РУС
- ТАТ
Советлар Союзы Герое (1940 елның 21 марты), полковник
1913 елның 14 сентябре, Казан – 1990 елның 1 ноябре, Киев.
Киев танк-техник училищесен тәмамлый. Туган шәһәрендә мех фабрикасында слесарь булып эшли.
1935 елдан Кызыл Армия сафларында.
Хәсән күле янында японнар белән сугышта катнаша (1938 ел). Совет-фин сугышы елларында 109 нчы аерым разведка батальонында танкның өлкән механик-йөртүчесе (7 нче армиянең 86 нчы мотоукчылар дивизиясе). 1940 елның 27 февралендә Карелия муентыгындагы сугышта батырлык күрсәтә: бер совет танкы зарарлангач, М.В.Дмитриев иптәшләрен үзенең машинасы белән каплап саклый һәм дошманның берничә ут ноктасын юк итә.
Бөек Ватан сугышында катнаша.
Сугыштан соң Киев танк-техник училищесендә начальник урынбасары.
1966 елдан запаска җибәрелә. Киевта яши.
Ленин ордены, Кызыл Байрак, ике 1 нче дәрәҗә Ватан сугышы, Кызыл Йолдыз орденнары, медальләр белән бүләкләнә.
Батырлар китабы – Книга Героев. Казан, 2000;
Ханин Л. Герои Советского Союза — сыны Татарии. Казань, 1963;
Герои Советского Союза: Краткий биогр. словарь. М., 1987. Т. 1;
Автор – М.З.Хәбибуллин
Вы используете устаревшую версию браузера.
Для корректного отображения сайта обновите браузер.