Яшь авыл

РЛКСМ ҮК каршындагы Татар-башкорт бюросы органы.

1925 елда Мәскәүдә татар телендә нәшер ителә, беренче саны 1925 елның апрелендә басыла.

Мөхәррире — С.Садыйков.

«Яшәсен эшче һәм крәстиян берлеге!» лозунгы белән чыга.

Басманың максаты — авыл яшьләрен социализм рухында тәрбияләү һәм агарту.

Журнал битләрендә коммунистик тәгълимат, авыл хуҗалыгын рациональ алып бару турындагы мәкаләләр, яшь авторларның (С.А.Азамат, М.Бикбулат һ.б.) әсәрләре дөнья күрә.

Татарская энциклопедия. Казань, 2014. Т.6;

Татарская периодическая печать: Научно-энциклопедическое издание. Казань, 2017.