Методик җыентык

Урта Идел буе төбәге халык мәгарифе бүлеге органы.

1930 елда — Мәскәүдә, 1931– 1933 елларда  Самара шәһәрендә татар телендә нәшер ителә.

1931 елда «Методика юл күрсәткече» исеме белән чыга.

Мөхәррире — А.М.Вәлитов.

Мәгариф эше, алдынгы мәктәп укытучылары һәм башка мәгариф хезмәткәрләренең тәҗрибәсе һәм эш нәтиҗәләре белән таныштыруны максат итеп куя.

Актив авторлар арасында — А.Вәлитов, Ф.Давыдов, К.Чигурин.

«Методик җыентык»та коллективлаштыру һәм аның укыту процессындагы роленә, мәктәпләрдә дингә каршы тәрбиянең куелышына, мәдәни төзелешләр өлкәсендә соц. ярышлар үткәрүгә һәм башкаларга багышланган мәкаләләр дөнья күрә.

Татар энциклопедиясе. Казан, 2014. Т.4;

Татарская периодическая печать: Научно-энциклопедическое издание. Казань, 2017.

Автор – А.Ә.Хәсәвнех