«Синтез»

«Казаноргсинтез» акционерлык җәмгыяте каршында 1974 елда оештырыла.

1975–1992 елларда СССР (РФ) чемпионатының 1нче лигасында, 1993 елдан Россия чемпионатының югары лигасында. РСФСР чемпионатында көмеш медаль ала (1977), бөтенроссия яшьләр уеннарында җиңүче (1977, 1981), РСФСР (1980, 1985, 1989), Россия (2006/07) чемпионы, Россия Кубогы (2005), «Лен-Трофи» Европа Кубогы (2006/07) иясе, Россия чемпионатында (2005/2006, 2007/2008) көмеш медаль, Россия Кубогында (2009), Россия чемпионатында (2004/2005, 2008/2009) бронза приз ала.

Баш тренерлары – В.А.Лелюх (1974–1995), Е.Н.Мишин (1995–2002), Р.Д.Юмаев (2002–2004), В.Н.Захаров (2004–2011), И.Х.Зиннуров (2011–2014), В.А.Федорин (2014 елдан).

СССР, Россия, бөтенсоюз, бөтенроссия һәм халыкара турнирларда, Олимпия уеннарында катнашучылар – А.Бойко, Д.Вахромеев, О.Владимиров, И.Н.Горбач, М.С.Закиров, И.Х.Зиннуров, А.Остробоков, А.Черных, Н.И.Шәрәфиев, Р.Д.Юмаев, В.Л.Яковлев.

Клубның аренасы – «Оргсинтез» йөзү бассейны.

Шамсутдинов А.С., Камешков А.А. Водное поло тысячелетнего города: История водного поло г.Казани в документах, таблицах, воспоминаниях и фотографиях. Казань, 2004.