Медногорск

Оренбург шәһәреннән 215 км көнчыгыштарак урнашкан. 1939 елда нигез салына.

Халкы – 27775 кеше (2015 ел). Татарлар саны – 1396 кеше (2010 ел).

Медногорск территориясенә татарлар 1930 еллар башында Блявинск бакыр колчеданы чыгарылу урынын үзләштерү һәм бакыр-күкерт комбинаты төзелеше белән бәйле рәвештә килеп урнаша.

Социалистик Хезмәт Герое, Медногорск шәһәренең мактаулы гражданы З.С.Рахмангулов, Россия Федерациясенең атказанган мәдәният хезмәткәре К.Х.Тугушевның тормышы һәм эшчәнлеге Медногорск шәһәре белән бәйле.