Иаков

22.9.1844, Калуга губернасы Брынь авылы — 1922, Томск шәһәре.

Калуга руханилар семинариясен (1866), Мәскәү руханилар академиясен (1870) тәмамлый.

1886 елдан монахлыкта.

1891 елдан Умань епискобы, 1904 елдан — архиепискобы. Кишинёв, Ярославль, Сембер епархияләрен җитәкли.

1910 елдан Казан һәм Зөя архиепискобы, 1917 елдан митрополит.

1918 елда Казаннан Чех-словак корпусы һәм КОМУЧның Халык армиясе белән бергә китә. Акгвардияче гаскәрләр биләгән төбәктә Томск епархиясе белән идарә итә.

Совет хакимияте тарафыннан кулга алына, сак астында яшәгәндә вафат була.