Хищнецлар

Гәүдәсенең озынлыгы 4-30 мм, еш кына 10-20 мм. Кыска, калын, нык кына бөгелгән хортумчыгы бар, ул гәүдәгә орынып тормый. 3 меңгә якын төре билгеле, тропикларда киң таралган.

Европада 14 ыругка караучы 30 лап төре бар.

Татарстан территориясендә 4 төре билгеле; гадәттә, боҗралы хищнец (Rhynocoris annulatus) еш очрый. Агачларда, үләндә, туфрак өслегендә, кайбер төрләре – вак имезүчеләрнең ояларында һәм өннәрендә, корылмаларда, ташлар астында яшиләр. Ерткычлар, төрле бөҗәкләр белән туеналар.

Кайбер төрләренең чагуы кешедә авырту барлыкка китерә.