23 төре билгеле, күбесенчә Төньяк ярымшарның уртача поясында таралганнар.

Татарстан территориясендә 3 төре бар. Гади тигәнәкчек (A. eupatoria) һәм төкле тигәнәкчек (A. pilosa) ара-тирә барлык районнарда да, Азия тигәнәкчеге (A. asiatica) Көнчыгыш Кама алдында очрый. Болыннарда, тау битләрендә, урман, юл буйларында үсәләр.

30-150 см биеклектәге үсемлек. Сабагы бизле-төкчәле. Яфраклары парсыз каурыйсыман. Чәчәкләре вак, сары төстә, хуш исле, озын башак чәчәк төркеменә җыйналган. Җимеше – чикләвекчек, ыргаксыман төкчәләр белән капланган; өлгергәч хайваннар йонына һәм киемгә ябыша. Июнь-июльдә чәчәк ата. Җимешләре август-сентябрьдә өлгерә.

Гади тигәнәкчекнең җир өсте өлешләрендә дуплау матдәләре бар.

Төнәтмәсе бавыр һәм үт куыгы авыруларын, авыз куышлыгында ялкынсыну процессларын, чуан, җәрәхәтләрне дәвалау өчен кулланыла.

Кызык бит!

Күн эшләү һөнәрчелеге
Видеогалерея
Шаляпин Фёдор
Бизнә