55 тән артык төре билгеле, ике ярымшарның да тропиктан тыш өлкәләрендә таралганнар.

Татарстан территориясендә бер төре – алмаш яфраклы талак үләне (C. alternifolium), ара-тирә барлык районнарда да очрый. Дымлы, күләгәле урманнарда, куаклар арасында, урман инешләре буенда үсә.

5-15 см биеклектәге үсемлек. Тамырчасы нәзек, шуышма. Сабагы туры. Яфраклары ачык яшел, чиратлашкан, түгәрәк-бөресыман, сирәк төкчәләр белән капланган. Чәчәкләре вак, алтынсу-сары төстә, сабак очындагы калкан чәчәк төркемендә. Җимеше – күп орлыклы тартмачык. Апрель-майда чәчәк ата. Җимешләре июньдә өлгерә. Вегетатив юл белән (столоннардан) үрчи.

Халык медицинасында төнәтмәсе йөткерү, талак авырулары вакытында, җәрәхәтләрне төзәтү чарасы буларак кулланыла.

Татарлар турында

Тукай Габдулла
Урманче Бакый
Халык музыкасы
Казан татарлары