6 төре билгеле, төньяк ярымшарның уртача поясында таралганнар.

ТР территориясендә бер төре – салынкы себерке кыяк (M. effusum) бар. Киң яфраклы һәм катнаш урманнарда үсә.

60-100 см биеклектәге тамыр-сабаклы күпьеллык кыяк. Сабагы шома. Яфраклары ачык-яшел, киң кыяклы, кырыйлары кытыршы. Чәчәк төркеме – җәенке себеркәч, озынлыгы 30-35 см. Җимеше – бөртекчә. Май-июньдә чәчәк ата. Орлыктан һәм вегетатив юл белән (куакны бүлеп) үрчи.

Кумарин матдәле һәм хуш исле үсемлек.

Мөгезле эре терлек яратып ашый, әмма терлек азыгы буларак әһәмияте юк.

Декоратив үсемлек.

Татарлар турында

Тукай Габдулла
Милли аш-су
Урманче Бакый
Казан татарлары