60 ка якын төре билгеле, күбесе Төньяк ярымшарда очрый.

ТР территориясендә 2 төре бар.

Басу сәдәф уты (L. arvense) – 15-45 см биеклектәге берьеллык, дарулы сәдәф уты (L. officinale) – 30-80 см биеклектәге күпьеллык үсемлек. Коры тау битләрендә, Кама аръягы кырларында, куаклар арасында үсәләр. Сабагы тармаклы, туры. Яфраклары утырма, ланцетсыман, кытыршы. Чәчәкләре вак, аксыл-сары, тоташ үскән таҗлы. Җимеше – чикләвекчек. Май-августта чәчәк аталар.

Тамырларында буяу матдәләре бар.

Халык медицинасында дарулы сәдәф утының җир өсте өлешләре бәвел кудыру, эч йомшарту, авыртуны басу чарасы буларак кулланыла.

Кызык бит!

Балан чыпчыгы
Видеогалерея
Tatarica онлайн-энциклопедиясенең фәнни нигезләрен өйрәнүгә күпъяклы якын килү
Ардаял