40 ка якын төре билгеле, Европа, Азия һәм Америкада таралган. Татарстан территориясендә 3 төре бар. Прескотт йонлы көпшәсе (Ch. prescottii), бүлбеле елан көпшә (Ch. bulbоsum) урман буйларында, чүп үлән буларак кырларда үсә.

Тамырлары юан – бүлбесыман, бүлбенең йомшагы ак; 28% ка кадәр крахмал бар. Ашарга яраклы. Сабагы туры, 30–180 см биеклектә, бүлбеле елан көпшәсенең тимгелләре юк, Прескотт йонлы көпшәсе – шәмәхә тимгелле. Яфраклары каурыйсыман, теленмә. Чәчәкләре вак, ак төстә, катлаулы кәрзингә җыйналган. Җимешләре цилиндрсыман, ярымҗимешчекләрдән тора. Июнь–сентябрьдә чәчәк ата.

Исле кыр кишере (Ch. aromaticum) – сирәк төр, Яшел Үзән районында очрый. Берникадәр кыскарак, яфракларының ике яклы каурыйсыман булуы белән аерыла. ТРның Кызыл китабына кертелгән (2006).

Барлык төрләре дә баллы.

Кызык бит!

Видеогалерея
«Гайрәт» нәшрияты
Икътисад эшчәнлеге өлкәсендә хокук бозуларны суд белән кисәтүнең актуаль проблемалары
Стахеев Дмитрий Иванович