50 ләп төре билгеле, Евразиядә һәм Африкада таралганнар.

ТРда бер төре – гади әңгерәк уты (E. vulgare) барлык районнарда да очрый. Коры тау битләрендә, басуларда, юл буйларында үсә.

30-80 см озынлыктагы икееллык үләнчел үсемлек. Тамыры орчыксыман. Сабагы туры, яфраклары кебек үк кыска төкләр һәм сирәк озынча кыллар белән капланган. Яфраклары чиратлашкан, кыяклы-пычаксыман. Чәчәкләре зәңгәр төстә, берьяклы бөтеркәдә, себеркәчле чәчәк төркеменә җыелган. Җимеше вакланган, өлгергәндә 4 кара чикләвеккә аерыла. Июнь-июльдә чәчәк ата. Җимешләре июль-август айларында өлгерә.

Үсемлекнең барлык өлешләрендә дә алкалоидлар, сапониннар, С,Е витаминнары, каротин бар.

Халык медицинасында яфрак һәм чәчәкләренең төнәтмәсе тынычландыру, какырык чыгару, яра төзәтү өчен файдаланыла.

Чүп үлән.

Баллы үсемлек.

Кызык бит!

Кизнер районы
Лундстрем Олег Леонидович
Видеогалерея
Иске Муллино