Гербера

50 ләп төре билгеле.

Чыгышы — Көньяк Африка һәм Азия тропиклары.

Татарстан Республикасында декоратив бакча һәм бүлмә гөле буларак үстерелә.

Яфраклары тамыр янында, каурыйсыман-телмә яфрак сабында, яфрак таралгысына җыелган. Чәчәк төркеме — кәрзиннәр, эре, ялгыз, бик нәфис, озын читләре кыякчыклы (таҗ яфракчыклы), төрле төстә (алсу, кызыл, сары, кызгылт-сары, ак, аксыл-сары), яфраксыз озын чәчәк сабагында.

Куакларны бүлеп, чыбыкча ялгап (аеруча таралган формалар), орлыктан, яфрак, тамырчадан үрчетелә. Бүлмә шартларында гыйнвардан апрель аена кадәр чәчәк ата.