100 гә якын төре билгеле, бөтен Җир шарында диярлек, күбесенчә Евразиядә таралган.

Татарстан территориясендә 2 төре: басу ешкулы (C. arvense) һәм кәс ешкулы (C. holosteoides) барлык районнарда очрый. Болын, сөзәклек, кырларда, су буйларында үсә.

8-40 см биеклектәге күпьеллык үләнчел үсемлек. Тамыры тармаклы, туфракта тирәнгә китми. Сабагы ботаклы. Басу ешкулның яфраклары тар, ланцетсыман яки кыяклы, кәс ешкулның – озынча түгәрәк. Чәчәкләре ак яки алсу, сабак очында көпшәк ярымчатырга җыелган. Җимеше – тартмачык. Апрель-октябрьдә чәчәк ата. Июньнән җимеш бирә башлый. Күбесенчә орлыктан үрчи.

Ешкулның җир асты өлешләрендә флавоноид, сапонин, углеводлар бар.

Халык медицинасында үлән төнәтмәсе тынычландыру чарасы буларак кулланыла.

Басу ешкулы

Татарлар турында

Халык музыкасы
Бохараев Равил Рәис улы
Тукай Габдулла
Әмирхан Фатих