- РУС
- ТАТ
(Dracocephalum), иренчәчәклеләр семьялыгыннан бер-, ике- һәм күпьеллык үләнчел үсемлекләр ыругы
40 ка якын төрне үз эченә ала. Европа һәм Азиядә таралган. ТР территориясендә 2 төре: Рюйш еланбаш (D. ruyschiana), чабыр чәчәкле еланбаш (D. thymiflorum) барлык районнарда очрый. Урманда, куаклар арасында, кырларда, сөзәклекләрдә үсә.
10-60 см биеклектәге үсемлек. Тамыры – чуктамыр. Сабагы туры, 4 кырлы, ботаклы, кызгылт төсмерле. Чәчәкләре зәңгәр, шәмәхә, аксыл шәмәхә, яфрак куентыгында ялган такыяга җыелган. Җимеше – чикләвекчек. Июнь-июльдә чәчәк ата. Август-сентябрьдә җимеш бирә. Орлыктан үрчи.
Җир асты өлешләрендә флавоноид, эфир мае, орлыгында май, органик кислота бар.
Халык медицинасында ашказаны-эчәк тракты органнары авырулары вакытында һәм бөрештергеч, спазматик, гомуми ныгыту, яра төзәтү чарасы буларак файдаланыла.
Декоратив, баллы үсемлек.
Руйш еланбаш
Вы используете устаревшую версию браузера.
Для корректного отображения сайта обновите браузер.