20 төре бар, Европада һәм Кече Азиядә киң таралган.

ТРда бер төре –  тау бөҗәк чәчәге (J.montana). Яшел Үзән һәм Югары Ослан районнарында очрый. Якты нарат урманнарында коры комлы туфракта, коры болыннарда үсә.

30-45 см озынлыктагы үсемлек. Тамыры орчыксыман, аз тармакланган. Сабаклары астан куе яфраклы, төкчәле, яфраксыз чәчәк сабына күчә торган. Яфраклары чиратлашкан, кыяклы-ланцетсыман, очлы, кырыйларыннан дулкынсыман яки берникадәр бөдрә. Чәчәкләре вак, зәңгәрсу төсле, тыгыз шарсыман чәчәк төркеменә җыелган. Җимеше – тартмачык. Июнь-июль айларында чәчәк ата. Орлыклардан үрчи. Яктылыкны ярата.

Дару үләне (төнәтмәсе кан туктату һәм бәвел кудыру өчен файдаланыла).

Баллы, декоратив үсемлек.

Сирәгәеп бара торган төр. ТРның Кызыл китабына кертелгән (2006).

Татарлар турында

Халык музыкасы
Бохараев Равил Рәис улы
Урманче Бакый
Әмирхан Фатих