Кечерәк агачлар, куаклар һәм күпьеллык үләнчел үсемлекләр.

40 ка якын төре урта һәм субтропик поясларда (Көньяк Америкадан башка) киң таралган. ТРда бер төре –  кызыл аю баланы яки тәлгәшле аю баланы (S.racemosa) үсә.

Куе ботаклы, 2-2,5 метр биеклеккә кадәр үсә торган куак. Йорт-койма буйларындагы ышык урыннарда, киң яфраклы урман күләгәлекләрендә үсә.

Яфраклары пычкы читле, очлы, каурыйсыман, парсыз яки өчәр-өчәр булып урнашкан. Сабак очындагы чәчәклек тәлгәшләре исле. Чәчәкләре вак, башта яшькелт-сары, соңрак саргылт-ак төскә керә. Май-июнь айларында чәчәк ата. Чәчәкләре нектарсыз, әмма чебеннәр, вак коңгызлар, умарта кортлары чәчәкләрдән туклыклы серкә җыялар. Җимешләре кызыл төстә, сусыл, июльдә өлгерә, ашарга яраксыз.

Татарлар турында

Урманче Бакый
Бохараев Равил Рәис улы
Милли аш-су
Әмирхан Фатих