Шомбыт аучылык тыюлыгы

Балык Бистәсе районы территориясендә, Куйбышев сусаклагычының уңъяк ярындагы Шомбыт елгасының түбән агымында урнашкан. Урманнар.

Мәйданы 12,5 мең га. 1963 елда кондыз популяциясен торгызу максатында оештырыла.

Аучылык фаунасының төр составы: поши, кабан дуңгызы, кондыз, төлке, селәүсен, сусар, Америка чәшкесе, ондатра, бурсык, ак куян һәм үр куяны, тиен, сасы көзән, көртлек, боҗыр, су кошлары.