Игәнә суы

Игәнә елгасының уң кушылдыгы.

Озынлыгы 13,1 км, бассейнының мәйданы 39,9 км².

Сарман районы территориясеннән ага: елга башы Игәнәбаш авылыннан көньяктарак, тамагы Петровский Заводы авылы янында. Елга башының абсолют биеклеге 238 м, тамагыныкы – 120 м. Су җыелу мәйданының урманлылыгы 6%.

4 км озынлыктагы бер кушылдыгы бар. Елга челтәренең тыгызлыгы 0,42 км/км². Туенуы катнаш, күбесенчә кар сулары исәбенә. Җир асты туендыру модуле 0,5-1 л/с·км². Гидрологик режимы ташу вакытында су муллыгы һәм җәен нык саегуы белән характерлана. Бассейнда еллык су агымының уртача күпьеллык катламы 78 мм, ташу агымы катламы 60 мм. Язгы ташу, гадәттә, март ахыры – апрель башында башлана. Игәнә суы ноябрь башында ката. Елга тамагында суының иң аз вакыттагы чыгымы 0,025 м³/с.

Суы язын каты (6-9 мг-экв/л), кышын һәм җәен бик каты (12-20 мг-экв/л).