Черек күл

Идел-Кама саклаулыгының Раифа урман участогында, Яшел Үзән районы Раифа поселогыннан (даими яшәүчеләр юк) көнчыгыштарак урнашкан.

Мәйданы 0,81 га. Суының күләме 28,5 мең м³. Озынлыгы 212 м, иң зур киңлеге 50 м. Иң зур тирәнлеге 5,6 м.

Күл карст-суффозия күренешләре нәтиҗәсендә барлыкка килгән. Озынча түгәрәк формада. Атмосфера явым-төшемнәре һәм җир асты сулары белән туена.

Күл нык кына ләмләнгән, аның шактый өлеше сазланган һәм йөзмә «үлән-утрау» белән капланган.