Минзарипов Рияз Гатаулла улы

1951 елның 25 сентябрендә Әлки районы Түбән Әлморза авылында туа.

Казан университетын тәмамлаганнан соң (1976), шунда ук ВЛКСМ комитеты секретаре урынбасары, секретаре булып эшли.

1981 елдан журналистика һәм социология факультетында, бер үк вакытта, 1994 елдан, университетның укыту бүлеге башлыгы урынбасары, 1995–1999 елдан — укыту бүлеге башлыгы, 2001–2003 елларда Казан университетының 200 еллыгына әзерлек буенча оештыру комитеты рәисе урынбасары.

2003 елдан — проректор.

Хезмәтләре социаль институт буларак мәгариф проблемалары, пед. һәм тәрбия мәсьәләләренә карый.

Концептуальные основы воспитательного процесса в условиях гуманитарной среды классического университета. К., 2005;

Воспитание в российских университетах: Исторический опыт и перспективы: На примере Казанского университета. К., 2006.