Воронина Елена Валентиновна

1962 елның 31 августында Казанда туа.

Казан дәүләт университетының "Физика" белгечлеге буенча физика факультетын (1984), СССР Фәннәр академиясе Удмуртия фәнни үзәгенең Физика-техника институты аспирантурасын (1991) тәмамлый. Фәнни карашлары формалашуга физика-математика фәннәре докторлары, профессорлар Е.П.Елсуков, Ю.А.Бабанов, А.Л.Агеев йогынты ясыйлар.

1984–1993 елларда СССР Фәннәр академиясе Удмуртия фәнни үзәгенең Физика-техника институтында эшли (Ижевск шәһәре): инженер (1984 елдан), фәнни хезмәткәр (1987 елдан); 1993–1997 елларда Удмуртия дәүләт университетында өлкән фәнни хезмәткәр (Ижевск шәһәре); 1997–2011 елларда Россия Фәннәр академиясенең Урал бүлеге Удмуртия фәнни үзәгенең Физика-техника институтында өлкән фәнни хезмәткәр (Ижевск шәһәре).

2011 елдан Казан университеты Физика институтының каты җисем физикасы кафедрасында: доцент, кафедра мөдире (2019 елдан).

SPring-8 (2002, Япония) һәм ESRF (2015, Франция) тизләткеч комплексларда тикшеренү проектлары җитәкчесе була.

Хезмәтләре: локаль атом структурасы, тәртипкә салынмаган системаларның үтә нечкә үзара бәйләнеше һәм магнитлы моментлар; мессбауэров спектроскопиясенең дөрес булмаган мәсьәләләрен чишү методларын үстерү (1984–1996 гг.); Al, Si, Sn sp-элементлары белән тимер нигезле югары концентрацияләнгән тәртипкә салынмаган нанокристаллик системаларның магнитлы структурасы; EXAFS һәм XMCD локаль атом һәм локаль магнитлы структураларны өйрәнү алымнары; EXAFS-спектрларын эшләтү методларын үстерү (1996–2011); бер-берсенә туры килмәгән озын вакытлы магнитлы структуралар (spinspiralwave, spindensitywaveetc.); нефть химиясе һәм тераностика өчен нанокомпозитлар; археологик артефактлар (керамика, металлар) (2012 елдан).

Мессбауэров спектроскопиясенең кире мәсьәләсен чишү өчен Тихоновның тәртипкә салу алымы нигезендә алгоритм һәм программалар пакеты эшләнә; мессбауэров спектрларында чишелүне арттыру мәсьәләсе өчен Тихоновның тәртипкә салу алымы кысаларында БФП алгоритмы камилләштерелә; тәртипкә салынмаган  Fe-Al һәм Fe-Si эретмәләрдә концентрацияле бәйләнешле үтә нечкә магнит кырлары һәм магнит моментлары билгеләнә; Fe атомнарында локаль атом тирәлеге моделе нигезендә локаль магнит моментлары моделе тәкъдим ителә (1984–1996).

Икеләтә тәртипкә салынмаган sp-элементлары белән Fe эретмәләре өчен: Al, Si һәм Sn локаль магнит моментлары моделе тәкъдим ителә, аларда магнит моментының зурлыгы һәм юнәлеше Fe атомы якын тирәлегенең химик составына бәйле. Концентрацияле магнит фаза диаграммалары төзелә. Al һәм Sn югары күләмдә булган Fe эретмәләренең магнит структурасы Маттисның спин эретмәсенә туры килә, ә магнит һәм мессбауэров характеристикаларының температура тотышы үзлекләре ул системалардагы Стонеров һәм кыска дулкынлы спин көчәнешләренә бәйле була (1996–2011).

Икеләтә Fe₆₅Al₃₅ һәм өчләтә тәртипкә салынган  Fe₆₅Al_35-xМ_xcGa эретмәләре һәм Sn өчен пространствода магнит фазасы бүленешенең җентекле эксперименталь дәлилләр алына, шуның белән бергә, фазаларның берсе бер-берсенә туры килмәгән спираль спин структурасына карый. Магнит фазасы тотрыклы түгел һәм температура арту һәм магнит кыры катнашы белән начарлана бара (2012–2024).

Фәнни тикшеренүләренең төп идеяләре һәм фикерләре 120 фәнни һәм методик хезмәттә, шул исәптән 1 монографиядә һәм 10 уку ярдәмлегендә бастырыла.

Кандидатлык диссертациясе: Локаль атом структурасы, тимер-алюминий һәм тимер-кремний тәртипкә салынмаган системаларында үтә нечкә бәйләнешләр  һәм магнит моментлары (1992).

Докторлык диссертациясе: Югары концентрацияле тәртипкә салынмаган нанокристаллик һәм өлешчә-тәртипкә салынган sp-элементлары белән тимер эретмәләренең магнитлашуында локаль атом тирәлегенең нәтиҗәлелеге (2009).

Удмурт Республикасы хөкүмәте (2000), Россия Фәннәр академиясе (2004), Татарстан Республикасы Мәгариф һәм фән министрлыгының (2017) Мактау грамоталары.

Regular algorithm for the solution of the inverse problem in Mössbauer spectroscopy // Physica Status Solidi (b), 1990, V.160, Iss.2, p.625–634. (автордаш)

Mössbauer study of magnetic properties formation in disordered Fe-Al alloys // JMMM, 1992, V. 115, Iss. 2–3, p. 271–280. (автордаш)

Local atomic environment parameters and magnetic properties of disordered crystalline and amorphous iron-silicon alloys // J. Phys.: Cond. Matter 1992, V. 4, N37, p. 7597–7606. (автордаш)

Arrangements of magnetic moments in nanocrystalline Fe₄₈Al₅₂ // Phys.Rev. B, 2005, V. 72, p. 104409–104409–12. (автордаш)

On the magnetic structure of the ground state of ordered Fe-Al alloys // The Physics of Metals and Metallography, 2007, V. 104, p. 35–52. (автордаш)

Magnetic phase separation and magnetic moment alignment in ordered alloys Fe₆₅Al_35−xM_x (M_x = Ga, B; x = 0; 5 at.%) // Advances in Condensed Matter Physics, 2018, March 2018, p.1–18. (автордаш)